geschwatt.de

🌐

Original:  "The Devil's Right Hand"
The Highwaymen

Text/Musik: Steve Earle
Sejerlänner Text: Thomas Hölzer

Grundakkorde  (Capo 1):  D -  A7 - G 
Ab Vers 5: E - H7 - A

Sejerlänner Text: Thomas Hölzer

(1 und 2)

Als Jongedenger sin mr bem Gewehr römgerannt
On speelte Soldate for det Vaterland
Doa noam mech min herzensgoore Oma a de Hand
Se schwatte ganz röhich on hät mech net geschannt 

Se säde: "Jong, weisste och, wat er doa speelt
Wie ech mech doamoals ha e dem Kreech geföhlt
Din Opa woar wit fort, sin Broer feel em fremde Land
Ech sä dr nur bim Scheeße hält dr Deuwel din Hand"

Refrain:

Dm Deuwel sin Hand, dm Deuvel sin Hand
Min Oma säd bim Scheeße hält dr Deuwel din Hand

(3 und 4)

Em Weesje hennerm Hus ha mr en Loch gemacht
Ahl Gasmaske fonne on stracks obgesat
Ech gong doabet noa heim on min Oma wur herfort (1)
Se schörelte dr Kopp, on se säde ken Wort

Oavends da am Dösch, doa koam et endlech rus
"Schmiss die Maske fort, die well ech net em Hus
Veel Soldate sin am Gas e Verdöng verstreeckt  (2)
So jong, die hadde kum wat va dr Welt erbleckt"

Refrain:
Dm Deuwel sin Hand, dm Deuwel sin Hand
Min Oma säd em Kreech regiert dm Deuwel sin Hand

(5 und 6)

Min Oma woar en goore fromme Frau
De Bewel woar er Booch, on dat kannte se genau
Se säde oft, "Jong, denk emmer doa dra
Em Läwe es nur einer, dä oos helfe ka

Ech soah en Hitler-Beld, dat hong a dr Wand
Doa ha ech et direkt e sinne Aue erkannt
Dä Ma brengt nix wie Ooglöck for det ganze Land
Dä Karle es vam Börse on dm Deuwel sin Hand"

Refrain:

Dm Deuwel sin Hand, dm Deuwel sin Hand
Min Oma säd bim Scheeße hält dr Deuwel din Hand
Dm Deuwel sin Hand, dm Deuwel sin Hand
Nazis brenge Ooglöck for det ganze Land

(1)
wur herfort = sie erschrak

(2)
am Gas e Verdöng verstreeckt = am Gas in Verdun erstickt