geschwatt.de

🌐

Bi ner ahl Dande e dr Storw hong en Jesus-Beld a dr Wand
En Löw on en Wolf soasse zahm newer sine Föös 
En Lämmche dusselte zart egepackt e sinem wisse Gewand
"Dat Lämmche bes du, on dr lewe Heiland schonkelt dech em Arm
Wenn de artich bes, ka hä sech dinner erbarm"

Wie ech klei woar, het mr dat schwer imponiert
Dat dr Heiland het och Löwe on Wölfe dressiert
On dat di em ob det Wort pariern
On freedlich wie en Katz a sine bläcke Föös posiern

Nur hadde ech och Angst, weil ich wosste net
Sin ech artich genooch, dat hä mech e sinnem Arm het
Weil sost dr Wolf hener börse Jonge bim Speeln her rennt
Or dr Löw dorwe vam Ollern ronner kömmt

Ech träumte veel, dr Löw sprengt de Treppe vam Ollern ronner
Ech stoa a dr verrammelte Köchedür, die gehrt on gehrt net ob
E dr Zitt bölkt dr Löw on kömt emmer nöijer
Bevor hä mech packt, wern ech quetschenass geschweist wach
Min Herz kloppt wie en Bass-Trommel noch am annern Dach

De Dande säde, on dat ha ech er net vergesse
Börse Jongedenger wern va welle Dierer gefresse
De mosst nur artich sin on zom Heiland bäre
Ech könn dat domme Dier doafor ho noch e sin degge Hennern dräre